Presidenti i vendit, Hashim Thaçi, nuk ka dashur të komentoj raportin e Departamentit Amerikan të Shtetit, në të cilin u tha se Shtetet e Bashkuara të Amerikës janë thellësisht të shqetësuara nga përpjekjet aktuale në Kuvendin e Kosovës për shfuqizimin e legjislacionit për Dhomat e Specializuar dhe Zyrën e Porkurorit të Specializuar, shkruan arbresh.info.
Thaçi, pohoi se si president i vendit do ta kryej obligimin kushtetues.
“Iniciativa është plotësisht kushtetuese, ligjore dhe proceduralisht e rregullt dhe si president i vendit do të kryej obligimin tim kushtetues “, ka thënë presidenti Thaçi.
Ai ka thënë se është president i vendit dhe do të punon në ineteres të qytetarëve dhe të shtetit.
“Nuk jam kryetar i asnjë partie , unë jam president i vendit dhe punoj në ineters të shtetit , në interes të gjithë qytetarëve pa dallim etnie, ideologjie apo krahinë”, ka pohuar ai.
E për nënshkrimet e deputetëve ka thënë ata janë të zgjehdur e popullit dhe vendosin vet.
“Unë as nuk iu lë diçka në dorë as nuk iu marrë nga dora deputetëve ata janë të zotët e vetvetes , janë të zgjedhurit e popullit”, ka deklaruar Thaçi.
43 deputetë të Kuvendit me 22 dhjetor mblodhën nënshkrimet për seancë të jashtëzakonshme për shfuqizimin e Ligjit për Dhomat e Specializuara dhe Zyrës së Prokurorit të Specializuar, që njihet si Gjykata Speciale./arbresh.info/
KE-ja s’ua jep hisen e miliardave Kosovës e Serbisë pa zbati...
Aksident i dyfishtë në Tiranë, disa të lënduar
Nga sulmi izraelit mbi Bejrut, vriten 12 persona
Elvis Rexhbeçaj në formacionin startues të Augsburgut ndaj M...
Biden: Arritja e armëpushimit në Gaza është ende real
Odegaard do të humb nëntë ndeshje pas lëndimit