Thaçi: Kosova e ka synim të qartë anëtarësimin në organizata ndërkombëtare

12:29 | 31 Maj 2019
Arbresh.info

Presidenti i vendit, Hashim Thaçi ka marrë pjesë në akademinë përkujtimore për nder të heroit Xhemajl Fetahaj.

Aty Thaçi ka thënë se sa më shumë të kalojë koha, aq më shumë po dalin në pah vlerat e Ushtrisë Çlirimtare të Kosovës.

Sipas tij, askush nuk mund t’i zbehë  vlerat e UÇK-së.

Thaçi po ashtu tha se Kosova do t’i jetë përjetë mirënjohëse NATO-s dhe SHBA-ve për lirinë e vendit.

“Sa më shumë që kalon koha aq më shumë po dalin në pah vlerat e UCK-së. Kosova do të festojë 20 vjetorin e çlirimit dhe në këto vite ne kemi pasur shumë të arritura. Kosova ballafaqohet ende me sfidat, me synim të sigurtë anëtarësimin në organizata ndërkombëtare. Viti 2019 është shpallur viti i NATO-s. Kosova do të jetë mirënjohëse përgjithmonë ndaj NATO-s dhe Shteteve të Bashkuara të Amerikës”, ka thënë Thaçi.

Ndërkohë pjesëmarrës në këtë akademi është edhe kryeministri i vendit, Ramush Haradinaj si dhe përfaqësues tjerë institucional.

 

Shpërndaje në rrjete sociale

Lajmet më të lexuara

Të ngjashme

Foto lajm