Presidenti Hashim Thaçi dhe kryeministri Ramush Haradinaj janë përplasur sërish për Demarkacionin. Thaçi po kërkon nga Kuvendi i Kosovës që ta votojë Demarkacionin. Por, në anën tjetër, kryeministri Haradinaj vazhdon të këmbëngulë se Demarkacioni duhet të korrigjohet.
Shënimi i vijës kufitare mes Kosovës dhe Malit të Zi sërish i ka përplasur presidentin e vendit Hashim Thaçin dhe kryeministrin Ramush Haradinaj. I pari po kërkon nga Kuvendi që ta votojë Demarkacionin për t’i hapur rrugë liberalizimit të vizave.
Por, në anën tjetër, Haradinaj edhe më tutje vazhdon të këmbëngulë se Demarkacioni duhet të korrigjohet. “Mund t’ju them që nëse nuk ndodh ratifikimi, atëherë liberalizimi i vizave nuk do të bëhet”, ishte deklarata që e dha raportuesja për Kosovën në Parlamentit Evropian, Ulrike Lunaçek, deklaratë kjo e cila bëri që të dalin në pah edhe një herë mospërputhjet e ideve rreth Demarkacionit të Thaçit e Haradinajt, shkruan gazeta Zëri sot.
Ishte Thaçi ai i cili pas kësaj deklarate tha se “Nëse ne duam liberalizim të vizave, Demarkacioni në përputhshmëri me marrëveshjen e arritur në gusht 2015 duhet të kalojë në Kuvendin e Kosovës”, gjë që vuri në pah mospërputhjen e ideve të tij me ato të kryeministrit të vendit, Ramush Haradinaj.
Pse kancelari Scholz kundërshton anëtarësimin e Ukrainës në ...
Dy gola brenda dy minutave, Barcelona “shpërthen” në Bernabe...
Festa Qoqaj shkëlqen në dasmen e Dafina Zeqirit
Çeku: Jemi gati për ‘Eurovision’, e kemi dhënë provimin
“El Clasico” e zjarrtë në pjesën e parë, mungojnë vetëm gola...
Hezbollahu me urdhrin më të madh të evakuimit në Izrael që n...