Thaçi dënon kërcënimin e gazetares Xharra

15:05 | 11 Prill 2017
Arbresh.info

Presidenti i vendit Hashim Thaçi, ka dënuar rastin e kërcënimit të gazetares Arbana Xharra.

Përmes një njoftimi në rrjetin social Facebook, Thaçi ka thënë se kërcënime të tilla janë të papranueshme dhe të dënueshme.

“Kërcënimi i gazetares Arbana Xharra është i papranueshëm dhe i dënueshëm. Liria e fjalës dhe e shprehjes së mendimit paraqet të drejtën themelore të njeriut, që ka rol jetik edhe në realizimin dhe mbrojtjen e të drejtave të tjera. Reagimet ndaj rasteve të tilla dëshmojnë se shoqëria jonë nuk i duron dhunuesit e lirisë së shprehjes”, ka thënë Thaçi.

Kërcenimin e gazetares Xharra, e kanë dënuar edhe shumë institucione, politikanë në Kosovë e shoqëria civile.

Ndryshe, Arbana Xharra, dje gjatë ditës, është kërcënuar përmes një mesazhi që i është lënë në hyrjen e objektit të banimit. Kërcënuesit kanë gjetur adresën e banimit të Xharrës në Prishtinë, dhe në muret jashtë banesës së saj kanë vizatuar me ngjyrë të kuqe disa kryqe./arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm