Google ADS

Thaçi autorizon Besnik Bislimin e Vetëvendosjes për lidhjen e dy marrëveshjeve të reja me BE-në

11:45 | 6 Mars 2020
Arbresh.info

Presidenti i vendit, Hashim Thaçi, sot e ka autorizuar Ministrin e Financave dhe Transfereve, Besnik Bislimin, për nënshkrimin e dy marrëveshjeve të reja në mes të Kosovës dhe Bashkimit Evropian.

Marrëveshja e parë është për pjesëmarrje në programin e BE-së “Customs 2020”, kurse e dyta për pjesëmarrje në programin e BE-së “Fiscalis 2020”.

Në dy këto autorizime, ministri Bislimi autorizohet nga presidenti Thaçi, t’i kryejë veprimet e ndërlidhura për lidhjen e këtyre dy marrëveshjeve të bashkëpunimit mes Republikës së Kosovës dhe Bashkimit Evropian, shkruan Telegrafi.

Këto autorizime janë bërë në përputhje me funksionin kushtetues të presidentit Thaçi si udhëheqës i politikës së jashtme, në mbështetje të nenit 84 të Kushtetutës së Kosovës, nenit 6 të Ligjit për Presidentin e Republikës së Kosovës, nenit 7 të Ligjit për Marrëveshjet Ndërkombëtare, si dhe duke marrë parasysh kërkesën e Qeverisë së Kosovës, përkatësisht vendimet nr. 02/04 dhe 03/04 të datës 28 shkurt 2020.

 

Shpërndaje në rrjete sociale

Lajmet më të lexuara

Të ngjashme

Foto lajm