Tentuan të përfitojnë para në emër të kosovarit që ka vëllain në burg në Serbi, policia arreston tre shtetas të Serbisë

10:53 | 14 Shkurt 2024
E.K

Policia e Kosovës ka njoftuar se ka arrestuar tre persona të dyshuar për veprën penale ‘mashtrim’ në Klinë.

Në njoftimin e policisë, bëhet e ditur se ankuesi që është paraqitur në Polici ka thënë që disa persona në emër të vëllait të ankuesit kanë pasur qëllim për të pranuar një shumë të parave nga një anëtarë i një organizate humanitare në Zvicër.

Sipas njoftimit të Policisë së Kosovës thuhet se personat e dyshuar kanë grumbulluar edhe më herët një shumë të parave për ta ndihmuar vëllain e ankuesit i cili është i burgosur në Serbi.

Tutje, thuhet se pas intervistimit të të dyshuarve në prezencën e avokatit mbrojtës, me urdhër të Prokurorit shtetit u është caktuar masa e ndalimit prej 48 orësh./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm