Telekomi i Kosovës të mërkurën ka anuluar dy konkurse për 30 vende pune.
Bëhet fjalë për 15 vende pune për pozitën Zyrtar i Marketingut dhe 15 vende pune për pozitën Teknik, në konkursin e shpallur me datë 13.07.2019.
Ndërkohë në njoftimin e dhënë nga Telekomi, nuk bëhen të ditura arsyet se pse këto konkurse janë anuluar edhe pasi janë shpallur, ani pse theksohet se shkak i anulimit janë arsyet objektive.
“Njoftohen të gjithë kandidatet se anulohet konkursi për arsye objektive për pozitat: Zyrtar i Marketingut (15) ekzekutues, Teknik (15) ekzekutues, i shpallur me dt 13.07.2019 me nr. 01-4001/19. I falënderojmë të gjithë aplikantët për shprehjen e interesimit për të qenë pjesë e TK Sh.A, dhe luteni që të shikoni ueb-faqen e kompanisë për konkurset publike në të ardhmen”, thuhet në njoftim.
Koha.net është duke pritur përgjigje nga Telekomi për të mësuar arsyet e anulimit të konkurseve.
Trump kërcënon me tarifa të larta Kanadanë, Meksikën dhe Kin...
Përmbytjet në Indonezi, të paktën 19 viktima
Aksident me vdekje në aksin rrugor “Shkodër-Koplik”
Vazhdon procesi gjyqësor për ish-krerët e UÇK-së
NATO dhe Ukraina takohen lidhur me raketën e re ruse
Përgjigjja e shkencëtarëve: Si ndikon menjëherë në shëndet k...
Skip to content
