Të shtëna në Pejë, vdes një person

13:43 | 24 Shkurt 2017
M. A.

Policia në Pejë njofton se sot rreth orës 12 e 10 në rrugën “Besnik Lajqi” ka pasur të shtëna me armë zjarri ku nga këto të shtëna një person ka vdekur ndërsa tjetri është plagosur.

Sipas Policisë me të marrë informatën ka dal në vendin e ngjarjes për të siguruar prova dhe dëshmi dhe për të bërë këqyrjen e vendit të ngjarjes, dhe lidhur me këtë menjëherë është informuar prokurori i shtetit.

“Viktimat janë dërguar në urgjencën e Spitalit rajonal në Pejë për t’u ofruar ndihmë mjekësore. Viktima I.N. nga plagët e marra ka nderuar jetë rreth orës 12:50, vdekjen e të cilit e ka konstatuar ekipi mjekësor, ndërsa viktima B.N është i plagosur në dorë dhe gjendja e tij për momentin sipas ekipit mjekësor është jashtë rrezikut për jetë.

Njësitet e Policisë kanë identifikuar të dyshuarit me ç’rast njëri nga të dyshuarit është arrestuar dhe Policia është në kërkim të dyshuarit tjetër./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm