Të shtëna me armë zjarri në Rahovec, arrestohen tre persona

11:20 | 27 Korrik 2021
S D

Stacioni Policor në Rahovec ka marr informacion se ka të shtëna me armë zjarri në fshatin Denjë të komunës së Rahovecit, shkruan arbresh.info.

Në vendin e ngjarjes policia ka arrestuar tre persona të dyshuar të cilët kishin shtënë me armë si pasojë e një mosmarrëveshje të mëhershme si dhe janë konfiskuar tri armë të mbajtura pa leje, thuhet në njoftimin e policisë.

Personat e arrestuar janë:

• B. B. lindur me 1986 m/k/sh
• P. M. lindur me 1991 m/k/sh
• B.M. lindur me 1984 m/k/sh

Në cilësi të provave materiale janë gjetur dhe sekuestruar:

• Një armë automatike AK-47, një karikator dhe 11 fishek të kalibrit 7.62 mm.
• Një pistoletë e tipit TT, një karikator.
• Një pistoletë e tipit Stoeger, dy karikator dhe 79 fishek të kalibrit 9 mm

Lidhur me veprimet e ndërmarra është njoftuar prokurori i shtetit, me urdhër të të cilit pas përfundimit të procedurave policore personat e dyshuar mbahen në ndalim policor për 48 orë.

Fotografi të armëve dhe municionit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm