Të mërkurën mbahet seanca dëgjimore e Gjykatës Kushtetuese për çështjen pronësore për parcelën tokësore në qendër të kryeqytetit

12:14 | 28 Prill 2025
E.G

Gjykata Kushtetuese e Kosovës ka njoftuar se të mërkurën (më 30 prill 2025) në të cilën do të shqyrtohet kërkesa KI278/23, që për objekt të shqyrtimit ka “çështjen pronësore për parcelën tokësore në qendër të kryeqytetit”.

Sipas njoftimit, në seancën publike janë ftuar për të marrë pjesë parashtrueset e kërkesës: Afërdita Nura – Lama, Eufrozina Nura, Dijana Nura – Sahatçiu dhe Servete Nura, si dhe përfaqësuesit e Komunës së Prishtinës, Ministrisë së Mjedisit dhe Planifikimit Hapësinor/Agjencisë Kadastrale të Kosovës, dhe Agjencisë Kosovare për Krahasim dhe Verifikim të Pronës, shkruan Arbresh.info.

Seanca publike do të fillojë në orën 10:00.

“Dyert e Gjykatores për pranimin e qytetarëve dhe të medieve të interesuara do të hapen në orën 09:30.”, thuhet tutje./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm

sq sq