Përveç parapagimit prej 2.5 eurosh në muaj, nga buxheti i taksapaguesve kosovarë parashihet që të ndahen në vitin pasues edhe 0.4 për qind për Radiotelevizionin e Kosovës.
Kjo pasi në Projektligjin e ri, të cilin Komisioni për Administratë Publike, Qeverisje Lokale dhe Media e ka përcjellë të mërkurën në Qeveri, parashihen këto dy forma të financimit, si dhe mënyra të tjera përmes marketingut dhe shërbimeve të tjera, shkruan sot Koha Ditore.
Kjo do të bëjë që buxheti për këtë televizion të rritet afro 85 për qind. Kjo pasi përmes parapagimit prej 2.5 eurosh në muaj parashihet të grumbullohen rreth 14 milionë euro, nga buxheti i shtetit mbi 8 milionë euro, si dhe 2.5 milionë euro nga marketingu. Televizioni publik, i cili është akuzuar disa herë nga shoqëria civile dhe partitë opozitare për njëanshmëri, lidhje me pushtetin dhe për keqmenaxhim, do të ketë buxhet 24.5 milionë euro, apo 11 milionë më shumë sesa ka me ligjin aktual.
Në projektligjin të cilin e ka siguruar gazeta, parashihet që drejtori i përgjithshëm të ketë mandat 5-vjeçar, dhe me mundësi të rizgjedhjes së pakufizuar. Një gjë e tillë ishte kundërshtuar nga shoqëria civile, por nuk është marrë parasysh nga Komisioni parlamentar. Projektligji nuk ka ulur as numrin e anëtarëve të Bordit prej 11 personave, e njëkohësisht ka hequr edhe pagesën për Licencë, që RTK-ja ishte e obliguar ta paguante në Komisionin e Pavarur për Media.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...