Asistent Sekretari i Departamentit të Shtetit, Jim O’Brien, ka pritur sot në Washington dyshen e angazhuar në dialogun Kosovë-Serbi, Përfaqësuesin Special të Bashkimit Evropian, Miroslav Lajçak dhe Gabriel Escobarin, Zëvendës Ndihmës Sekretarin që mban edhe detyrën e të dërguarit special për Ballkanin.

O’Brien në një postim në “X”, tha se u koordinuan strategjitë për t’i çuar përpara Kosovën dhe Serbinë në dialogun e lehtësuar nga Brukseli, shkruan Arbresh.info.

“Diskutime të rëndësishme me Zëvendës Ndihmës Sekretarin Gabriel Escobar dhe Përfaqësuesin Special të BE-së, Miroslav Lajçak sot. I koordinuam strategjitë për t’i çuar Kosovën dhe Serbinë tutje në dialogun e lehtësuar nga BE-ja. SHBA-ja fuqishëm mbështet dialogun si rrugë për marrëdhënie paqësore dhe produktive”, ka shkruar O’Brien.

Important discussions with Deputy Assistant Secretary Gabriel Escobar and EUSR @MiroslavLajcak today. We coordinated strategies for moving Kosovo and Serbia forward in the EU-facilitated Dialogue. U.S. strongly supports the Dialogue as the path to peaceful, productive relations. pic.twitter.com/yWr6VrLjVs

— Assistant Secretary Jim O’Brien (@StateEUR) May 8, 2024

Ndërkaq emisari Lajçak për takimin tha se u rikonfirmua bashkëpunimi i shkëlqyeshëm BE-ShBA.

“Kënaqësi të takoja Asistent Sekretarin e Departamentit të Shtetit, Jim O’Brien dhe Zëvendës Ndihmës Sekretarin Gabriel Escobar, sot në Uashington për të diskutuar rrugën përpara në dialog dhe çështje tjera rajonale në Ballkanin Perëndimor. U rikonfirmua bashkëpunimi i shkëlqyeshëm BE-ShBA”, tha Lajçaku./Arbresh.info/

A pleasure to meet with @StateEUR Jim O’Brien and Deputy Assistant Secretary Escobar in Washington today to discuss the way ahead in the Dialogue and other regional issues in the Western Balkans. We reconfirmed our excellent 🇪🇺🇺🇸 cooperation. https://t.co/LIYfkYVkjn

— Miroslav Lajčák (@MiroslavLajcak) May 8, 2024