Miroslav Lajçak, dërguari i Bashkimit Evropian për dialogun Kosovë-Serbi, ka ndarë detaje nga takimet e tij të javës së kaluar me kryenegociatorët e të dy vendeve, Besnik Bislimin dhe Petar Petkoviqin.

Ai ka shprehur optimizëm për disa përparime në çështje kyçe, duke theksuar se ka pasur diskutime konstruktive.

“Javën e kaluar, unë prita një raund tjetër të dialogut të ndërmjetësuar nga BE-ja në nivel të Kryenegociatorëve, me fokus në avancimin e normalizimit të marrëdhënieve ndërmjet Kosovës dhe Serbisë, veçanërisht përmes zbatimit të Marrëveshjes së vitit 2023 për Rrugën drejt Normalizimit. Megjithëse nuk bëmë hapa përpara për këtë, unë jam optimist për disa përparime të arritura në disa çështje të tjera kyçe, të cilat do t’i ndjekim në javët e ardhshme”, ka shkruar Lajcak.

Lajçak gjithashtu përmendi se ka biseduar me Drejtorin e Sekretariatit të Komunitetit të Energjisë, Artur Lorkowski, dhe me ambasadorin japonez në BE, Akira Imamura, për të diskutuar mbi gjendjen e dialogut.

“Me të diskutuam bashkëpunimin energjetik në Ballkanin Perëndimor dhe rëndësinë e integrimit në tregun e BE-së në mes të kompleksitetit në marrëdhëniet Kosovë-Serbi”

“U angazhova në një diskutim të frytshëm me ambasadorin japonez në BE, duke u përditësuar mbi gjendjen e lojës në dialog dhe duke eksploruar rrugët për forcimin e lidhjeve dhe bashkëpunimit tonë. Unë vlerësoj angazhimin afatgjatë të Japonisë në Ballkanin Perëndimor që synon të mbështesë përpjekjet për reforma të rajonit”, ka thënë Lajçak.

Kjo javë për Lajçak ishte e ngarkuar me aktivitete të rëndësishme për avancimin e dialogut.

“Duke parë përpara, unë do ta ndërroj kapelën time të BE-së me atë të një ish-presidenti të Asamblesë së Përgjithshme të OKB-së mora pjesë në mbledhjen tonë tradicionale në Seul, ku do të trajtojmë çështjet urgjente aktualisht në agjendën e OKB-së”./Arbresh.info/