Tahiri uron Vedat Gashin: Kënaqësi e madhe kur shqiptarët angazhohen fuqishëm në politikbërjën amerikane

23:37 | 8 Nëntor 2023
E.G

Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri ka uruar shqiptaro-amerikanin Vedat Gashin nga radhët e demokratëve për fitoren e tij në garën për Distriktin e Katërt të Legjislaturës së Westchesterit në ShBA.

Me anë të një postimi në Facebook, Tahiri ka shkruar se është kënaqësi e madhe kur shqiptarët angazhohen fuqishëm në politikbërjën Amerikane, qofë në nivelin shtetëror, qoftë në nivelin federal, shkruan Arbresh.info.

“Vedat Gashit i urojmë rrugëtim të gjatë në afirmimin e zërit demokratik dhe civil si i përzgjedhur, përfaqësues në Asamblenë e New York-it, si dhe në promovimin e modelit amerikan të qeverisjes kudo në botë. Urojmë që në të ardhmën ta shohim në Kongresin e SHBA-ve.”, tha Tahiri.

Tutje ai e ka ftuar Gashin që të flasin për mundësitë e shtyerjës përpara të çështjeve dhe interesave shqiptare./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm