Tahiri: PDK e para, fitorja më e vogël se zakonisht

19:23 | 6 Tetor 2019
Arbresh.info

Partia Demokratike e Kosovës ka mbajtur konferencë për medie pak minuta pas mbylljes së procesit zgjedhor.

Abelard Tahiri ka thënë se PDK do të del e para në këto zgjedhje, shkruan arbresh.info. Ai po ashtu ka thënë se fitorja do të jetë më e zbehtë se herët e tjera.

“Si PDK i ftojmë komisionarët dhe vëzhguesit të bëjnë punën  e tyre deri në numërimin e votës së fundit. Nga të gjitha informacionet që i kemi nga terreni tregojmë se PDK do të jetë parti e parë në Republikën e Kosovës por presim një fitore më të vogla se zakonisht por jemi të sigurt se kjo do të konfirmohet në vazhdim”, ka thënë ai.

Tahiri ka shtuar se procesi ka shkuar shumë mirë.

“Procesi zgjedhor ka rrjedhë mjaftë mirë, i përgëzojmë të gjitha institucionet e vendit që janë marrë me këtë proces, merita për këtë proces u takon qytetarëve të Kosovës që kanë votuar masivesh”, ka thënë ai.

Ai ka komentuar edhe exit-polet duke i quajtur të pasakta./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm