Szunyog: Çdo reformë në drejtësi të bëhet në përputhje me opinionin e Komisionit të Venecias

11:27 | 24 Janar 2023
E.H

Ambasadori i Bashkimit Evropian në Kosovë, Tomas Szunyog sot ka zhvilluar një takim me Komisionin për Zhvillimin e Procesit të Vlerësimit të Përkohshëm të Vettingut në Sistemin Gjyqësor.

Ambasadori përseriti qëndrimin e Bashkimit Evropian së se çdo reformë në drejtësi duhet të bëhet në përputhje të plotë me opinionin e Komisionit të Venecias të Këshillit të Evropës dhe standardet evropiane.

“BE-ja do të vazhdojë të angazhohet me institucionet e Kosovës për çështjet e reformës në drejtësi”, ka thënë Szunyog.

Ndërkaq, sipas raportit të Komisionit të Venecias, Kosovës i sugjerohet që reformat në gjyqësor, t’i bëjë së pari duke përdorur mjetet ekzistuese për ruajtjen e integritetit, pavarësisë dhe efikasitetit të sistemit gjyqësor./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm