Deputeti i Aleancës për Ardhmërinë e Kosovës, Gazmend Syla, ka publikuar fotografi të masakrave në Kosovë.
Ai përmes një shkrimi në Facebook ka shkruar se në Batajnicë e cila është rreth 25 kilometra larg kryeqytetit serb, ku e ka selinë edhe presidenti Vuçiq dhe qeveria e tij, 744 shqiptarë të Kosovës të paarmatosur, në mesin e të cilëve shumë gra, fëmijë e pleq, u privuan nga jeta, u privuan edhe nga e drejta për varrim dinjitoz.
Postimi i plotë:
Batajnica e Vuçiqit
Batajnica është rreth 25 kilometra larg kryeqytetit serb, ku e ka selinë edhe presidenti Vuçiq dhe qeveria e tij. 744 shqiptarë të Kosovës, që të gjithë të paarmatosur, në mesin e të cilëve shumë gra, fëmijë e pleq, pasi u privuan nga jeta, u privuan edhe nga e drejta për varrim dinjitoz.
Poligoni i Policisë në Batajnicë ishte vend i përshtatshëm për mbulimin e krimeve të gjenocidit serb mbi Kosovën.
Fati në fatkeqësi! Një prej personave që bartën kufomat, nuk iu dha apartamenti i premtuar, andaj, zbuloi sekretin e tmerrshëm. Zhvarrimet filluan me 2001, e gjenerali policor Vllastimit Gjorgjeviq, kishte pranuar pjesëmarrjen e policisë në këtë krim makabër.
Ne nuk kemi nevojë për minutat e heshtjes nga Vuçiqi, por për kërkimfaljen e tij për gjenocidin ndaj shqiptarëve.
Në Batajnicë, janë gjetur mbetjet mortore të 23 viktimave të masakrës së Suharekës ku e pësuan edhe 49 anëtar të familjes Berisha, në mesin e të cilëve 23 fëmijë, një shtatëzëne dhe një plakë 100 vjeçare.
Aty u gjetën, 66 mbetje mortore nga masakra e Vushtrrisë (22 maj 1999), të moshave 15 deri 77 vjeç. 29 mbetje mortore të masakrës së Lybeniqit (1 prill 1999), të moshave 15 deri 87 vjeç.
Në Batajnicën e Vuçiqit, janë gjetur edhe mbetjet e 51 viktimave të masakrës në Korenicë (27 prill 1999), të moshave 15 deri 75; mbetjet e 252 viktikave të masakrës së Mejës të ndodhur po të njëjtën ditë.
Aty përfunduan edhe 16 antarët e familjes Mirena të vrarë në Nakaradë me 21 prill 1999.
Nga qyteti ku unë jetoj, Peja, në Batajnicë u gjetën mbetjet mortore të 40 personave, të vrarë me 27 mars 1999, nga mosha 17 deri 92 vjeç. 78 mbetje mortore të personave të vrarë mes 7 dhe 11 majit 1999 në Gjakovë, po ashtu u gjetën në Batajnicë.
Lista nuk mbaron këtu. Janë mbetjet e 30 personave të vrarë në Fushë Kosovë (24 mars – 1 prill 1999), 16 nga Sllovia ( 16 prill 1999), 5 nga masakra në Landovicë (26 mars 1999), e shumë viktima të tjera, vëllezër e motra tona, nga 15 e deri ne 91 vjeç të vrarë në krime individuale apo grupore anekënd Kosovës.
A ju kujton diçka ky krim i dyfishtë? Vrasje dhe mohim i varrimit dinjitoz?
Shpresoj që fashizmi mos të lind më. E Serbia me të cilën ne luftuam, të mbetet shteti i fundit fashist në Evropë.
Në katër fotografitë që kam publikuar, e që janë me mijëra të tilla, këto krime dëshmohen edhe nga mjekë specialist gjyqësor serb.
Lavdi për të rënët, bashkndjejmë me ata që të dashurit e tyre u gjetën në Batajnicë. Sytë e tribunaleve ndërkombëtare, të shohin këto krime, sepse ne nuk mjaftohemi me dënime qesharake e të pjesshme që janë dhënë. Ne duam drejtësi të plotë. E drejtësia është themeli i demokracisë./arbresh.info/
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban