Sveçla priti në takim ambasadorin jorezident të Australisë në Kosovë, Richard Rodgers

14:09 | 16 Shkurt 2024
K.B

Ministri i Punëve të Brendshme, Xhelal Sveçla ka pritur sot në takim ambasadorin jorezident të Australisë në Republikën e Kosovës, Richard Rodgers.

MPB njofton se Sveçla e uroi Rodgers për detyrën e tij si ambasador jorezident në Republikën e Kosovës dhe me këtë rast ministri Sveçla dhe ambasadori Rodgers biseduan për situatën aktuale të sigurisë në Kosovë si dhe për marrëdhëniet bilaterale që gëzojnë dy shtetet tona në fushën e sigurisë.

Me rastin e 16 vjetorit të shpalljes së Pavarësisë së Republikës së Kosovës, ambasadori Rodgers përcolli urimet e tij për ministrin dhe gjithë qytetarët e Republikës së Kosovës.

Tutje në njoftim thuhet se ministri Sveçla dhe ambasadori Rodgers u dakorduan për komunikim të mëtejmë në frymën e thellimit të bashkëpunimit në fushat që mbulon Ministria e Punëve të Brendshme./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm