Ministri i Punëve të Brendshme, Xhelal Sveçla ka pritur në takim komandantin ri të KFOR, Gjeneralmajor Özcan Ulutaş.
Sveçla përmes një postimi në rrjetin social Facebook, tha se me komandantin Ulutas kanë biseduar për situatën e sigurisë në katër komunat veriore, pas sulmit të 24 shtatorit, shkruan Arbresh.info.
“Biseduam për situatën e përgjithshme të sigurisë dhe për sigurinë në katër komunat veriore të Republikës së Kosovës, veçanërisht pas sulmit terrorist të 24 shtatorit në Banjskë të Zveçanit ku mbeti i vrarë zyrtari policor Rreshter Afrim Bunjaku dhe dy zyrtarë të tjerë të plagosur”, tha Sveçla.
Mes tjerash, i pari i MPB-së ka falënderuar komandantin turk për mbështetjen dhe bashkëpunimin.
“E falënderova Komandantin Ulutaş për mbështetjen dhe bashkëpunimin e vazhdueshëm të KFOR, për ngritjen e kapaciteteve të tyre si dhe për shtimin e patrullimeve të përbashkëta përgjatë brezit kufitar me Serbinë.”
“Të dyja palët ndajmë qëllime të përbashkëta të garantimit të sigurisë, paqes dhe stabilitetit për qytetarët tanë në vendin tonë andaj do të punojmë bashkërisht në realizimin e këtij qëllimi”, ka shkruar Sveçla./Arbresh.info
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban
“Të kthehemi më të fortë”, Flick flet pas humbjes së Barcelo...
Të shtënat me armë në ahengje, MPB: Gjatë gushtit u konfisku...
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog