Google ADS

Sveçla në RMV takon ministrin Toshkovski, flasin për sigurinë dhe luftën ndaj krimit të organizuar

17:08 | 31 Korrik 2024
E.H

Ministri i Punëve të Brendshme, Xhelal Sveçla ka realizuar sot një vizitë zyrtare në Maqedoninë e Veriut, ku është pritur në takim nga homologu i tij maqedonas, Panche Toshkovski.

Sveçla bëri të ditur se me Toshkovskin kanë biseduar për situatën e sigurisë, sigurinë e kufijve, migrimin e paligjshëm dhe luftën ndaj krimit të organizuar, përcjell Arbresh.info.

“Fenomenet negative që kanë karakterizuar brezin kufitar me Republikën e Maqedonisë së Veriut janë në trend të rënies falë bashkëpunimit të ngushtë policor teksa janë shënuar rezultate të dukshme edhe në luftën e përbashkët ndaj krimit të organizuar”, shkroi Sveçla në llogarinë e tij në Facebook.

Po ashtu, ata biseduan edhe për mundësitë e zgjerimit të bashkëpunimit në kuadër të ministrive dhe për këtë kishim pajtueshmëri të plotë të dyja palët.

“Bashkëpunimi rajonal mbetet krucial si garancë e luftimit të suksesshëm të çdo ilegaliteti që cënon sigurinë e vendeve tona dhe rajonit tonë”, tha Sveçla./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm