Një person 39 vjeçar ka përfunduar në pranga të Policisë së Kosovës.

Ai dyshohet se pas një zënke që kishte pasur me bashkëshorten e tij, e kishte sulmuar atë duke e goditur disa herë, shkruan arbresh.info

Sipas policisë, rasti ka ndodhur sot në Ferizaj rreth orës 15:50.

“Stacioni policor në Ferizaj nga Drejtoria Rajonale e Policisë në Ferizaj, pasditen e sotme, rreth orës 15:50 ka pranuar një informacion se në rrugën e ” Reçakut” në Ferizaj është një rast i sulmit. Në lidhje me këtë, policia ka marr veprimet e duhura dhe menjëherë ka dalë në vendin e ngjarjes dhe ka arritur të arrestojë personin e dyshuar me inicialet B.T (M/K) i moshës 39 vjeçar, i cili pas një zënke verbale, kishte sulmuar bashkëshorten tij, duke e goditur disa herë”, thuhet në njoftim.

I dyshuari, sipas policisë, pasi është intervistuar nga policia, me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë , për procedura të mëtejme hetimore./arbresh.info/