Sulmi në Magdeburg, Haradinaj: Jemi pranë popullit gjerman në këtë natë tragjike

23:06 | 20 Dhjetor 2024
Q L

Kryetari i AAK-së, Ramush Haradinaj, ka reaguar për sulmin në qytetin Magdeburg të Gjermanisë ku deri më tani kanë mbetur së paku dy të vrarë.

Haradinaj tha se Kosova është pranë popullit gjerman në këtë natë tragjike dhe se lutjet janë me Gjermaninë.

“Jemi pranë popullit gjerman në këtë natë tragjike për ta. Lutjet e mia janë për të gjithë të prekurit nga ky sulm makabër. Lutemi për Gjermaninë”, shkroi Haradinaj.

Policia gjermane ka bërë të ditur se i dyshuari për sulmin në një treg Krishtlindjesh në Magdeburg të Gjermanisë është nga Arabia.

Sulmi ndodhi rreth orës 19:00, ku i dyshuari hyri me veturë brenda tregut të Krishtlindjeve, ku deri më tani janë raportuar rreth 80 të plagosur./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm