Google ADS

Sulmet në Zveçan e Ibër Lepenc, policia me aksion për identifikimin e arrestimin e të dyshuarve

11:31 | 30 Nëntor 2024
K.B

Policia e Kosovës është duke zhvilluar aksion në disa shtëpi të fshatit Varage të Zubin Potokut pas shpërthimit të mbrëmshëm në Ibër të Lepencit.

Zëdhënësi i Policisë së Kosovës, Baki Kelani për Arbresh.info ka thënë se policia ka vazhduar me hetime intensive drejt ndriçimit të rastit, identifikimit dhe arrestimit të personave të dyshuar.

“Mund të konfirmojmë se Policia e Kosovës, pas sulmeve të fundit me granata ndaj stacionit policor dhe Komunës, si dhe sulmit kriminal terrorist të ndodhur në veri të vendit, gjegjësisht te kanali i Ibër Lepencit, ka vazhduar me hetime intensive drejt ndriçimit të rastit, identifikimit dhe arrestimit të personave të dyshuar. Si rezultat i kësaj, në bashkëpunim dhe koordinim me organet e drejtësisë, sot në veri të vendit është duke u realizuar një operacion policor i cili përfshinë disa lokacione”, tha Kelani,

Ai tha se pas përfundimit të operacionit policor, do të bëhen të ditura informacionet shtesë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm