Një ngjarje me dinamikat ende për t’u sqaruar ka ndodhur sot në Nikël.
Rreth orës 18:00 dy persona janë paraqitur në Spitalin Ushtarak të Tiranës, për të marrë ndihmë mjekësore.
Bëhet fjalë për shtetasin Gentian Bejtja, rreth 41-vjeç, i cili dyshohet se është plagosur me armë zjarri në zonën e Niklës, teksa ndodhej në automjetin e tij.
Bashkë me të, ndodhej edhe 31-vjeçari Klodjan Stafuka, i cili u dëmtua pas një aksidenti që i ndodhi mjetit, i cili doli nga rruga.
Dy personat nuk janë të panjohur për forcat e rendit. Bejtja dhe Stafuka u akuzuan për vjedhjen e veturës së përdorur në vrasjen e kryekomisar Dritan Lamajt në vitin 2013.
Policia ka shkuar në vendngjarje dhe vijon puna për sqarimin e rrethanave të ngjarjes, identifikimin dhe kapjen e autorit./A2 CNN
Një vit nga sulmi, Manastiri i Bajnskës mbyllet nga 23 deri ...
Nis seanca plenare në Kuvend, mbahet një minutë heshtje në n...
Posta e Kosovës paralajmëron qytetarët për mashtrime me SMS:...
Granit Xhaka e Leverkuseni nisin sot aventurën në Champions ...
Putin: Rusia po rrit prodhimin e dronëve
I jepet lamtumira e fundit ish-deputetit, Gert Bogdanit