Steven Lack është emëruar së fundi si bashkë-mbrojtës në ekipin e avokatëve të Kadri Veselit.
Lack është emëruar në këtë detyrë që nga 29 korriku 2024 ndërsa njoftimi është bërë publik nga Administratorja Fidelma Donlon.
“Regjistri ka aprovuar zotin Lack si Bashkë-mbrojtës për zotin Veseli në përputhje me Seksionin 18 të Direktivës mbi Këshilltarët që nga data 29 korrik 2024”, thuhet në njoftim, raporton “Betimi për Drejtësi”.
Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020
Kanadaja pezullon lejet për shitjen e armëve në Izrael
Ambasadori i BE-së takon përfaqësues të partive politike dhe...
Së shpejti nis edicioni i tretë i Big Brother VIP Kosova
Sulmi në Banjskë, një person po intervistohet në stacionin p...
Maqedoni/ Shporta e vjeshtës, paralajmërohet ulja e çmimeve ...
Arsim Ademi emërohet zëvendësministër i Arsimit