Zëdhënësi i Bashkimit Evropian, Peter Stano, në një konferencë për medie, ka deklaruar se Bashkimi Evropian është palë në dialog ndërmjet Kosovës dhe Serbisë.
Sipas tij, masat ndaj Kosovës do të jenë aty për aq sa vlerësohet, por ato mund të lehtësohen, por edhe të shtrëngohen.
“Masat e përdorura në rastin e Kosovës janë masa të përkohshme, masa që janë aprovuar nga shtetet anëtare, pasi të gjithë u pajtuan”, tha Stano.
Ai, po ashtu tha se Bashkimi Evropian nuk është palë në dialogun Kosovë-Serbi, duke shtuar se nëse palët refuzojnë që të gjejnë kompromis, asnjëherë nuk do të kenë sukses.
“Më lejoni të kujtoj një gjë që BE-ja nuk është palë e dialogut, palët e dialogut janë Kosova dhe Serbia, BE-ja është lehtësuese në bazë të çështjeve të shprehura nga të dyja palët, kështu që ne jemi duke bërë rolin e lehtësuesit dhe po ndihmojmë të dy palët që të arrijnë marrëveshjet mes tyre. Por, ne kurrë nuk do të jemi të suksesshëm për sa kohë që palët refuzojnë të ecin në rrugën e kompromisit dhe nëse ne po përpiqemi t’i ndihmojmë ata dhe dikush nuk dëshiron ndihmë, çfarë mund të bëjmë”, ka thënë Stano, zëdhënës i BE-së.
Tutje Stano bëri të ditur se pas informimit tek vendet anëtare të BE-së nga përfaqësuesi special i Bashkimit Evropian në Kosovë, Miroslav Lajçak, do të vendoset se çfarë do të ndodh me dialogun./rtk
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite