Zyra e Prokurorit të Specializuar ka mohuar mundësinë e nxjerrjes të aktakuzave në këtë kohë, kur edhe është funksionalizuar tërësisht Gjykata Speciale e Kosovës, në Hagë.

“Raportet e medias që përmendni janë thjesht spekulime,” i ka thënë arbresh.info, Joseph L. Hollerhead, Asistent Ekzekutiv i Prokurorit Special, David Schwendiman, dhe Zëvendës Prokurorit Specialist, kur është pyetur për raportimin e medieve se pas funksionalizimit të plotë të Speciales shumë shpejtë do të ndodhin aktakuzat e para.

Ai nuk ka dashur të komentojë as se si do të ndodhin arrestimet e personave që mund të jenë të akuzuar.

“Ne gjithmonë do të përpiqemi të përgjigjem deri në masën që mund t’i japim kufijtë profesionalë, ligjorë dhe etikë me të cilët jemi të detyruar.”

Për më tepër, Hollerhead është pyetur edhe nëse do të jenë në bankën e të akuzuarve individ që bartin poste udhëheqëse në Kosovë, sikur që ishin edhe ish-eprorë të UÇK-së.

“Siç ka thënë Prokurori Specialist në të kaluarën, ne nuk komentojmë se kush, çfarë, kur apo si punon zyra e Prokurorit të Specializuar.”

Dhomat e Specializuara dhe Zyra e Prokurorit tё Specializuar tё Kosovёs janё pjesё e sistemit gjyqёsor tё Kosovёs. Dhomat pёrkojnë me çdo nivel të sistemit të gjykatave në Kosovë. Ato u formuan nё bazё tё Amendamentit Kushtetues dhe Ligjit tё miratuar nga Kuvendi i Kosovёs pёr gjykimin e pretendimeve të paraqitura nё raportin e Kёshillit tё Evropёs tё vitit 2011, pёr shkelje tё rёnda tё sё drejtёs ndёrkombёtare.

Dhomat janё tё pёrkohshme dhe me mandat e juridiksion tё përcaktuar, konkretisht për krime kundёr njerёzimit, krime lufte dhe krime tё tjera tё përkufizuara nё Ligjin e Kosovёs, tё cilat pretendohet se janё kryer midis 1 janarit 1998 dhe 31 dhjetorit 2000. Ligji mundёson qё proceset gjyqёsore tё mbahen jashtё Kosovёs. Dhomat e Specializuara e kanё selinё nё Hagё, Vendet e Ulëta (Holandё), dhe punёsojnё gjykatёs, prokurorё dhe punonjёs ndёrkombёtarë./arbresh.info/