Gjykata Themelore në Ferizaj sot pritet të shpall aktgjykimin ndaj Qëndrim Januzit, i cili akuzohet për vrasjen e Gazmend Hyzenit.
Kështu ka bërë të ditur Gjykata Themelore në Ferizaj, raporton Arbresh.info.
Ju njoftojmë se të martën më 30 prill 2024, duke filluar nga ora 10:00, vazhdon seanca gjyqësore me shpalljen e aktgjykimit në çështjen penale, kundër të pandehurit Q.J., i akuzuar për shkak të veprave penale vrasja e rëndë nga neni 173 paragrafi 1 nën paragrafi 1.5 të KPRK-së, si dhe veprën penale mbajtja në pronësi, kontroll ose posedim të paautorizuar të armëve nga neni 366 paragrafi 1 të KPRK-së”, thuhet në njoftim.
Po ashtu, bëhet e ditur se seanca e shpalljes së aktgjykimit është e hapur për publikun.
Ndërkohë,në fjalën e tij përfundimtare, të premten prokurori i rastit, Ismet Rrahmani kërkoi nga gjykata që i akuzuari Januzi ta shpallet fajtor, duke shtuar se me rastin e matjes së dënimit gjykata të ketë parasysh rrethanat rënduese e posaçërisht ato që kanë të bëjnë me ashpërsimin e dënimit.
“Propozoj që të akuzuarit Qëndrim Januzi të shpallet fajtor për veprat penale që i vihen në barrë, ndërsa me rastin e matjes dhe përcaktimit të lartësisë së dënimit të merr parasysh të gjitha rrethanat, posaçërisht ato që kanë të bëjnë me ashpërsim të dënimit si shkallën e lartë të dashjes për kryerjen e veprës penale, për shkak se i njëjti ditën kritike ka vepru me dashje dhe përgatitje paraprake për ta privuar nga jeta tanimë të ndjerin Gazmend Hyseni.”, ishte shprehur prokurori Rrahmani.
Ndryshe, Gazmend Hyseni ishte qëlluar për vdekje në maj të vitit 2022 nga Qëndrim Januzi./Arbresh.info/
LEXO EDHE
Bombardimet izraelite vrasin dhjetëra njerëz në Bejrut dhe n...
Krasniqi në 25 vjetorin e themelimit: PDK është histori e ja...
Pesë shenja që tregojnë se nuk po i lani flokët mjaftueshëm
Frutat që përmbajnë më shumë dhe më pak sheqer
Përgjimet Kusari Lila- Radojiçiq, Tahiri: Nesër në ora 12:00...
KFOR-i mban ceremoninë e inaugurimit të `Mburojës së Re`