Ministria e Punëve të Jashtme dhe Diasporës, përkatësisht Akademia Diplomatike, në bashkëpunim me Fondacionin “Friedrich Ebert”, sot do të organizojnë ceremoninë e hapjes së edicionit të 10-të të Shkollës Diplomatike, e cila do të zhvillohet në Pejë.
Sipas njoftimit, tema e këtij viti është: “A Role for Humanity: The Vitality of Diplomatic Efforts in Crisis Response.”, shkruan Arbresh.info.
Në këtë ceremoni do të marrin pjesë, kryeministri Albin Kurti si dhe ministrja e Punëve të Jashtme dhe Diasporës, Donika Gërvalla-Schwarz
“Edicioni i dhjetë i Shkollës Diplomatike sjell në Kosovë diplomatë nga 30 shtete të botës. Gjatë katër ditëve, ata do të kenë mundësi të diskutojnë mbi rolin e diplomacisë në situata krize. Përmes sesioneve ligjëruese dhe interaktive, do të kontribuojnë në diskutime produktive.”, thuhet në njoftim.
“Pjesëmarrësit gjithashtu do të kenë mundësinë të njohin nga afër historinë dhe progresin e Kosovës përmes vizitave në vend.”, njofton MPJD.
Ceremonia do të mbahet me fillim nga ora 09:30./Arbresh.info
Osmani dhe kongresisti Torres flasin për zhvillimet në Kosov...
Hynë ilegalisht nga Serbia në Kosovë, policia ndalon tre ser...
Policia e Ferizajt shqiptoi mbi 1300 gjoba brenda një javë, ...
43 aksidente bre 24 orëve, policia shqiptoi afro 2 mijë gjob...
Arrestohen dy të dyshuar për disa vjedhje në Fushë Kosovë, k...
Shtiu me armë zjarri, arrestohet i dyshuari në Vushtrri