Sonte me fillim prej orës 20:00 në Prishtinë do të ndodhë diçka ndryshe.

Tifo grupi “Plisat” me anë të një postimi në Facebook, kanë kërkuar nga prishtinasit që nesër nga shtëpitë e tyre të këndojnë bashkë këngë për Prishtinën.

Sipas “Plisave” kjo do të bëhet me qëllimin e relaksimit të situatës tek qytetarët.

Postimi i plotë nga plisat:

Prishtinas,

Jemi dhe jeni mësuar të ju ftojmë për të na u bashkangjitur në aktivitete të ndryshme, në aktivitete për të përkrahur klubet e kryeqytetit, protestën për shkarkimin e Jabllanoviq-it, protestën për luginën e Preshevës, (pa)drejtësive që u bëhen shqiptarëve në Iliridë, ndihmën për të prekurit e tërmetit të (pa)mëshirshëm të vitit të kaluar në Shqipëri e deri tek aksioni “Ndihmo edhe ti”, në fund të vitit të kaluar.

Ndryshe nga rastet tjera, sonte ju ftojmë që nesër të na bashkoheni në aktivitetin e radhës! Siç e dini, sonte Prishtina është shpallur zonë karantine deri në një vendim tjetër të institucioneve.

Nesër(12/04/2020) duke filluar nga ora 20:00 nga shtëpitë kemi vendosur që t’i këndojmë Prishtinës që sado pak të sjellim një natë ndryshe dhe relaksuese për të gjithë ne!

Këngët që do të këndohen duhet të jenë me këtë rënditje:

Rrugës sypatrembur(një herë).
Besa-Besë(një herë)
Linqet e këngëve i gjeni në pjesën e komenteve poshtë.

Gjithashtu, përmes këtij postimi dëshirojmë që të falënderojmë të gjithë ata që po kujdesen për të mirën tonë dhe po sakrifikojnë shëndetin e tyre!

Urojmë që kjo pandemi të kalojë sa më shpejtë dhe me më pak viktima!

Bashkohuni me ne!.