Skandali i Kryeprokurorit të Gjakovës, reagon Zyra e Kryeprokurorit të Shtetit

18:38 | 13 Korrik 2022
L G

Kryeprokurori i Prokurorisë Themelore të Gjakovës, Ramiz Buzhala, dyshohet se ka shpërndarë pyetjet e testit për bashkëpunëtorë profesional.

Buzhala këto pyetje ia ka dërguar gazetares së një prej mediumeve në Kosovë, duke shkruar “këto janë pyetjet e testit me shkrim”.

Lidhur me këtë shkelje, ka reaguar Zyra e Kryeprokurorit të Shtetit në Kosovë, shkruan arbresh.info.

Zyra e Kryeprokurorit të Shtetit ka bërë të ditur se ka nisur procedurat për hetimin e këtij rasti.

“Zyra e Kryeprokurorit të Shtetit, njofton opinionin publik se Ushtruesi i Detyrës së Kryeprokurorit të Shtetit, Besim Kelmendi, pas pranimit të informacionit nga mediat lidhur me dyshimet e ngritura për shpërndarje të pyetjeve të testit për bashkëpunëtorë profesionalë nga Kryeprokurori i Prokurorisë Themelore në Gjakovë, Ramiz Buzhala, në bazë të kompetencave që ka do t’i ndërmarrë të gjitha veprimet e nevojshme sipas legjislacionit në fuqi”, thuhet në njoftim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm