Kuvendi i Kosovës nuk e ka miratuar Projektligjin për pensionimin e parakohshëm të policëve dhe punonjësve të Inspektoratit Policor të Kosovës me autorizime policore.
Ky projektligj është propozuar nga Partia Demokratike të Kosovës.
Deputetja e PDK-së, Ganimete Musliu, e ka konsideruar domosdoshmëri miratimin e këtij projektligji, ndërsa ka theksuar se propozohet që zyrtarët policor dhe punonjësit e IPK-së me autorizime policore të fitojnë të drejtën për pension të rregullt nëse mosha e tyre arrin në 55 vjet.
Këtë projektligj nuk e ka përkrahur deputeti nga radhët e Lëvizjes Vetëvendosje, Enver Dugolli, duke thënë se ky projektligj i propozuar nga PDK nuk është serioz dhe nuk e ka kalkuluar barrën buxhetore.
Pro këtij projektligji ishte edhe LDK-ja, deputeti i LDK-së, Armend Zemaj, ka kërkuar që edhe mazhoranca ta përkrahë këtë projektligj.
Qeveria e Kosovës nuk ka paraqitur mendim për këtë projektligj, derisa i njëjti është dërguar në seancë pa mbështetjen e mazhorancës në Komisionin për Çështje të Sigurisë dhe Mbrojtjes./Arbresh.info/
Nga 1 nëntori rikthehen kalimet e përshpejtuara në kufijtë m...
Shqipëria ia ekstradon Italisë një shtetas, i dënuar me mbi ...
Von der Leyen pas takimit me Kurtin: Të punojmë për të ardhm...
Kryetari i Ferizajt dënon sulmin ndaj Muhaxhirit, kërkon nga...
Avokati i Muhaxherit: Kryetari beson se sulmi lidhet me punë...
Aksidentet fatale/ A janë pasojë e mungesës së ndriçimit të ...