S’ka vendimmarrje në Kuvend, nga 15 pika kaloi vetëm një pikë e rendit të ditës

12:00 | 29 Tetor 2020
M. A.

Në seancën e sotme të Kuvendit të Kosovës nuk janë votuar një mori e pikave dhe projektligjeve.

Kjo për shkak të mungesës së kuorumit, shkruan arbresh.info.

Prej tyre u votua projektligji për Peticione, ai kaloi me 63 vota për.

Ndërsa pika e projektligjit për Lirinë Fetare në Kosovë, nuk doli në votim për shkak se pati mungesë të deputetëve të komuniteteve.

Nuk u votua propozim-rezoluta nga interpelanca me Kryeministrin e  Kosovës, Avdullah Hoti, në lidhje me pezullimin njëvjeçar i aplikimit të Kosovës për anëtarësim në organizata ndërkombëtare.

Nuk u votua as edhe propozim-rezoluta nga interpelanca me Hotin, në lidhje me përfshirjen e Republikës së Kosovës në “Zonën e mini-Shengenit ballkanik”. Gjithashtu nuk u votua as edhe propozim-rezoluta nga interpelanca me Kryeministrin, në lidhje me deklarimin dhe qëndrimin e Kryeministrit për zbatimin e Marrëveshjes për themelimin e Asociacionit të Komunave me shumicë serbe./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm