Autoriteti Kosovar i Konkurrencës vlerëson se nuk është ligjore rritja e çmimeve me marrëveshje mes bizneseve
Ka 17 vjet që Jahja Podvorica nga qyteti i Podujevës, ushtron zanatin e berberit.
Në gjithë këto vjet pune, myshteritë që janë qethur tek dyqani i tij, kanë paguar dy euro.
Por, një foto e publikuar në rrjetet sociale, ku shihen gjithë berberët e Podujevës, ka ngjallur dyshimin që ata kanë bërë marrëveshje të fshehtë për ngritjen e çmimit nga 2 në 3 euro, raporton T7.
Madje ata, e kanë përgatitur edhe çmimoren e re, që sipas tyre, do të hynte në fuqi pas 15 shkurtit.
Podvorica thotë se me çmimin aktual nuk po arrijnë t’i mbulojnë shpenzimet e tyre.
Berberi shton se problem shtesë për punën e tyre, janë edhe reduktimet e energjisë elektrike.
Por, një berber tjetër jo larg nga Podvorica thotë se 3 euro për llapjanët, është çmim i lartë.
E për qytetarët çmimi prej 3 eurosh për qethje është pak i shtrenjtë.
Çmimorja e këtij shërbimi është e rregulluar edhe me ligj.
Neni 4 i Ligjit për Mbrojtjen e Konkurrencës, ndalon marrëveshjet ndërmjet dy ose më shumë ndërmarrjeve të pavarura, caktimin e çmimit të shitjes apo shërbimeve.
Pika e parë e këtij neni thotë se bizneset nuk mund të caktojnë, në mënyrë të drejtpërdrejtë ose të tërthortë, çmimet e blerjes ose të shitjes, apo çdo kusht tjetër tregtimi;
Kështu ky plan i berberëve doli të jetë jetëshkurtër.
Valon Prestreshi nga Autoriteti Kosovar i Konkurrencës, përmes një komunikate për medie, bëri të ditur që ka marrë në pyetje organizatorët e kësaj mbledhje.
Prestreshi ka thënë se grupimi i ndërmarrjeve që kanë për qëllim arritjen e marrëveshjeve për caktim të çmimit, është shkelje e rëndë ligjore dhe Autoriteti Kosovar i Konkurrencës në këtë rrafsh është i pa-kompromis.
Horoskopi ditor, parashikimi i yjeve për shenjën tuaj
Oda Ekonomike Amerikane në Kosovë mban konferencë për media,...
Moti sot me diell dhe vranësira, parashihet të nis dita me m...
“Ik se po të mbys shpulla” – Eskalon debati në kërcënime mes...
Agani premton “dy vite pushim të lehonisë” për gratë e punës...
Shkup: Gjendet i vdekur një shtetas turk