Në një konferencë për media nga Ministri i Punëve të Brendshme, Xhelal Sveçla është pyetur për shterjen e mundshme të zgjedhjeve në veri.
Ai njoftoi se Policia e Kosovës i ka të gjitha kapacitetet për ofrimin e sigurisë por theksoi se vendimi i takon presidentes.
Sveçla theksoi se policia po e pret planin e Komisionit Qendror të Zgjedhjeve për të dhënë rekomandimet për institucionet publike.
“Unë mund të ju tregoj përshtypjet dhe bindjen time personale. Unë jam i bindur që Policia e Kosovës ka të gjitha kapacitetet e nevojshme që të garantojë të gjitha proceset demokratike në Republikën e Kosovës. Për më shumë, normalisht që janë institucionet përgjegjëse që marrin vendimet, është presidentja e Kosovës, KQZ-ja. Për sa më takon mua, Policia e Kosovës po dëshmohet si një polici e aftë për të kryer detyrat e saj ligjore. Ndërkohë ne po presim planin e KQZ-së lidhur me aktivitetet e parapara që ky proces të shkojë mbarë. Në bazë të këtij plani pastaj Policia e Kosovës bën vlerësimet e nevojshme dhe rekomandimet për institucionet politike vendimmarrëse e cila përfundon me vendimin e presidentes Osmani”, deklaroi Sveçla./arbresh.info/
Lexo edhe:
FIFA cakton datat dhe vendin e Intercontinental Cup, Real Ma...
Rama përgëzon bashkitë për përkushtimin në Ditën Ndërkombëta...
SHSKUK reagon pas raportimeve për mungesë të produktit Phesg...
Balluku: Skema e re e subvencionimit të ujit, mbështetje për...
Osmani: Zbardhja e vrasjes së kolonel Ahmet Krasniqit është ...
New York Times: Shqipëria do të krijojë “Vatikanin” e bektas...