Shtypi serb: Propagandë e spekulime për Kosovën

08:21 | 9 Gusht 2018
Arbresh.info

Titujt e ballinave të gazetave të Serbisë janë të okupuara me tematikën e Kosovës, ndoshta thënë më mirë – me spekulime e propagandë.

B92 , duke paralajmëruar gazetat e së enjtes, bën të ditur se “Vecernje novosti” me titullin e ballinës njofton se kryetari i Serbisë, Aleksandar Vuçiq më 15 shtator o të bisedojë me Putinin për “zgjidhjen e çështjes së krahinës jugore”, e cila është karakterizuar vetëm si Kosovë (jo Kosovë e Metohi, siç e quajnë serbët).

“Kurir” flet për “5 skenarë për Kosovën”, ndërsa tabloidi tjetër, “Alo” shkon më së largu me propagandë. Me titullin “Lufta e shqiptarëve për shkak të ndarjes së Kosovës” dhe presidentin e Kosovës, Hashim Thaçin e karakterizon si “njëri i Turqisë”, ndërsa kryeministrin Ramush Haradinaj si “lojtar i Amerikës”.

“Informer”-i po ashtu merret me teori konspiracioni, dukethënë se “masonët thonë se Kosova është Serbi”, si edhe se Dacici ka thënë se “Amerika e do ndarjen e Kosovës”.