Shërbimi Spitalor dhe Klinik Universitar i Kosovës ka bërë të ditur se, në bashkëpunim me Klinikën Infektive, Institutin Kombëtarë të Shëndetësisë Publike dhe Ministrinë e Shëndetësisë, në vazhdimësi po merren me menaxhimin, kujdesin dhe parandalimin e rasteve me fruth.
SHSKUK ka lëshuar një komunikatë, pasi sot nga fruthi ka vdekur edhe pacienti i dytë, një 37 vjeçar, që paraprakisht ishte diagnostikuar edhe me sëmundje të tjera.
“Përkundër kujdesit intensiv të vazhdueshëm nga stafi i Klinikës Infektive dhe reanimimit në kujdesin intensiv të kësaj klinike, nuk kishte arritur të mbijetonte”, ka bërë të ditur SHSKUK.
“Ekipet mjekësore të Klinikës Infektive janë nën kujdes 24- orë të vazhdueshëm për të ofruar shërbime shëndetësore për pacientët e paraqitur si të dyshuar me fruth dhe raste e tjera të konfirmuara nga laboratorët e Institutit Kombëtar të Shëndetësisë Publike”, ka njoftuar SHSKUK, nëpërmjet komunikatës.
SHSKUK ka theksuar se furnizimi me barna për këtë klinikë është i mirë, pas reagimit që ka bërë Ministria e Shëndetësisë, e cila poashtu, në koordinim të plotë me Bordin Drejtues, menaxhmentin e SHSKUK-së dhe Institutin Kombëtarë po përcjellë në vazhdimësi gjendjen.
Instituti Kombëtarë i Shëndetësisë Publike në vazhdimësi, përmes departamenteve përkatëse, po merret me çështjen e vaksinimit dhe këshillimit të qytetarëve në terren përmes ekipit qendror dhe ekipeve tjera rajonale, ka njoftuar SHSKUK.
Betohen 20 kadetët e rinj të Qendrës për Studime Universitar...
Kurti takoi Drejtorin e Përgjithshëm për Zgjerim të Bashkimi...
Arrestohen dy persona të cilët kërkoheshin me nga dy urdhër...
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...