Google ADS

Shpallen fajtorë Hashimi e Rexhepi, dënohen me mbi 6 vjet burg

14:59 | 26 Shkurt 2020
Arbresh.info

Të akuzuarit Rrahim Hashimi dhe Kadri Rexhepi janë shpallur fajtorë nga Gjykata Themelore në Prishtinë për veprën penale mashtrim.

Gjykata e ka dënuar Rrahim Hashimi, me tre vjet e nëntë muaj burg, ndërsa, i akuzuari tjetër për të njëjtën vepër penale, Kadri Rexhepi, është dënuar me tre vjet burg, raporton arbresh.info.

Aktgjykimi ndaj tyre është shpallur të mërkurën, në Gjykatën Themelore në Prishtinë, pasi janë shpallur fajtorë se në bashkëkryerje kanë kryer veprën penale të mashtrimit.

Në kuadër të këtij dënimi, atyre u është llogaritur koha e kaluar në paraburgim, si dhe janë obliguar që të paguajnë shpenzimet e procedurës penale.

Kurse, pala e dëmtuar, përkatësisht Faton Dalladaku, është udhëzuar në kontest civil për kërkesën pasurore juridike.

Palët kanë të drejtë ankese kundër këtij aktgjykimi, në afat prej 15 ditësh./Arbresh.info

Fjala përfundimtare 45 faqëshe e Rrahim Hashimit ku kërkon aktgjykim lirues

Shpërndaje në rrjete sociale

Lajmet më të lexuara

Të ngjashme

Foto lajm