Shoqata e auto-shkollave “Dardania” jashtëzakonisht shumë ndjen veten të zhgënjyer me mos përmbushjen e kërkesave të tyre nga Ministria e Infrastrukturës. Ata për vite me radhë kërkuan nga kjo ministri dhe autoritetet e tjera kompetente përmbushjen e kërkesave të tyre por deri më tash askush nuk i doli në ndihmë.

Shoqata e auto-shkollave “Dardania”  edhe njëherë shpreh shqetësimin e saj ndaj Ministrisë së Infrastrukturës.  Kërkesat e kësaj shoqate kanë të bëjnë me pika në vijim:Të bëhet plotësim-ndryshimi i Ligjit për Patentë Shofer me nr.05/L-064 në disa nene, Të hiqet poligoni për kategorinë B për testimin e kandidatëve në pjesën praktike, Ligjëruesi për pjesën teorike mos të jetë i kushtëzuar që të ketë vetëm fakultetin e komunikacionit por të iu mundësohet edhe me fakultet tjetër, Udhëheqësi profesional të hiqet tërësisht, Instruktorët të mos i nënshtrohen testimit çdo pesë vite por të organizohen seminare për njohuri të reja siç është përcaktuar me ligj ashtu që licenca ti vazhdohet me ndjekjen e seminareve, Auto-shkollat kanë obligim ti kenë dy automjete për licencim. Për më tepër automjetet t’ju jepet mundësia që ti kenë me kontratë si dhe Paraqitja e provimit për pjesën praktike mundësisht të bëhet në auto-shkollë për shkak se çdo ditë duhet ta kenë një automjet në poligon për testim të kandidatëve.

Këto propozime janë të bazuara në dispozitat ligjore si dhe në direktivat e Bashkimit Evropian dhe për këto kërkesa dhe propozime Shoqata e auto-shkollave “Dardania”  e Auto-shkollave të Kosovës vazhdimisht i ka diskutuar në mbledhjet e rregullta të kryesisë së kësaj shoqate.  Për këto çështje në formë kërkese i është parashtruar edhe Ministrit të Infrastrukturës, z.Pal Lekaj, më 19 dhjetor 2017 por që deri më tani nuk kemi pranuar asnjë informatë zyrtare nga ai.

Shoqata e auto-shkollave “Dardania”   konstaton se mos përgjigjja e autoriteteve kompetente, përfshirë këtu në radhë të parë Ministrinë e Infrastrukturës në raport më kërkesat dhe propozimet e tyre paraqet shkelje të dispozitave të Ligjit Nr.05/L-031 për Procedurën e Përgjithshme Administrative në Kosovë, përkatësisht Nenit 9, respektivisht parimin e administratës së hapur, në të cilin par.2 përcakton që: “Organi publik duhet të garantojë të drejtën e palës për t’u informuar mbi ecurinë e procedurës administrative, qasjen në dosjen dhe dokumentet e tij dhe të drejtën e njoftimit me mjete të përshtatshme, në pajtim me këtë Ligj”.

Shoqata e auto-shkollave “Dardania”   konstaton që veprimet e Ministrisë së Infrastrukturës, përkatësisht përcaktimi i rregullave që kanë të bëjnë me trafikun rrugor dhe me punën e auto-shkollave të Kosovës janë të njëanshme dhe si e tillë, kjo ministri nuk ka marrë për bazë asnjërën nga kërkesat dhe rekomandimet e tona, që kishin të bënin me një garanci në kuptimin e funksionimit të legjislacionit për sa i përket procedurave dhe punëve të këtyre auto-shkollave. Mos-përgjigjja e Ministrisë së Infrastrukturës në shkresat e parashkruara nga Federata e Auto-shkollave të Kosovës, përfshirë edhe disa shkresa që janë dërguar edhe nga disa auto-shkolla në Kosovë, paraqet shkelje edhe të shumë dispozitave të tjera ligjore.

Shoqata e auto-shkollave “Dardania”, do të ushtrojë te gjitha mjetet juridike administrative dhe gjyqësore sipas mënyrës së përcaktuar me ligj, për shkak të mosveprimit të Ministrisë së Infrastrukturës në shkresat e parashtruara, meqenëse kjo ministri ka cenuar dhe është duke cenuar akoma të drejtat dhe interesin juridik, ashtu siç e përcakton neni 13 i Ligjit për Procedurën e Përgjithshme Administrative.

Shoqata e auto-shkollave “Dardania”   konstaton që ka vonesa të gjata që u bëhen kandidatëve të cilët aplikojnë për dhënie të provimit nga pjesa teorike apo praktike, duke i vënë auto-shkollat në siklet dhe duke mos pasur ndonjë shpjegim për këto vonesa dhe si të tilla, auto-shkollat po  përjetojnë diskriminim nga Ministria e Infrastrukturës prandaj Auto-shkollat duke parë këtë gjendje e ndjejnë veten e tyre të zhgënjyer dhe disa herë kanë shqyrtuar mundësin e një proteste masive, duke bojkotuar edhe provimet dhe daljen në rrugë  si dhe bllokimin e njësisë së patentë shoferëve dhe duke vazhduar deri sa të zgjidhen kërkesat dhe propozimet tona. Prandaj, në mënyrë që të mos vie në një gjendje të tillë proteste, ne kërkojmë urgjentisht ndërmarrjen e masave të nevojshme sipas propozimeve dhe rekomandimeve të Shoqatës te auto-shkollave “Dardania”.

Kujtojmë se, Shoqata e auto-shkollave “Dardania”   nëpërmjet të Federatës së Auto-shkollave të Kosovës, më 22 qershor 2015 ka parashtruar një varg propozimesh në Komisionin punues në ministrinë e Infrastrukturës lidhur me draft ligjin për shofer të automjeteve, megjithatë këto propozime fare nuk janë marrë parasysh nga kjo ministri dhe nuk kemi pranuar asnjë informatë lidhur me këtë çështje.

Ndër të tjera, këto propozime kishin të bënin me:

• Termin Shofer i ri, që nënkupton sipas atij drafti  shoferin deri në moshën 24 vjeçare. Ne si federatë e auto-shkollave të Kosovës mendojnë se nuk mund të konsiderohet shofer i ri një person që është pajisur me patentë shofer në moshën 18vjeqare dhe të konsiderohet si i tillë për 6 vite si shofer i ri. Sipas ligjit që është në fuqi për siguri në rrugë, neni 14 pika 1 dhe 2, thotë që në moshën 23 vjeçare mund të aplikojë për shofer instruktor qytetarët që kanë patentë shofer.
• Neni 5, Alineja 1, pika 1  të Udhëheqësit profesional kërkojmë që neni 5 alineja 1, pika 1  të Fshihet në tërësi dhe të zëvendësohet me Punëtorin Administrativ, i cili menagjon punën në auto-shkollë dhe i cili ka përgjegjësi për auto-shkollë.
• Alineja 1 pika 5- propozojmë që Auto-shkolla për kategorinë “B” ti ketë së paku 2 automjete në pronësi për tu licencuar  kurse kategoritë e tjera të ketë së paku 1 automjet
• Alineja 1.6.3. Poligoni, Ne edhe më herët kemi kërkuar që poligoni për kategorinë B të mos jetë obligim për Auto-shkolla sipas këtij ligji, pasi që kandidatët nuk testohen në poligon të Auto-shkollës, por të jetë obligim për kategoritë e rënda C, E, D.
• Alineja 1 pika 4 –propozojmë që mbyllja e librit për regjistrim të kandidatëve të bëhet në fund të çdo 3 mujori sikur që është bërë deri më tani
• Alineja 2 pika 2 Çdo auto-shkollë që kërkon të licencohet për kategorinë “B” të ketë së paku 2 shofer instruktor, ndërsa për kategoritë e tjera të ketë së paku 1 shofer instruktor.
• Neni 6  -Alineja 1 pika 6 I pa arsyeshëm Alineja 3 pezullimi i licencës së Auto-shkollave të jetë 15 deri 30 ditë.
• Neni 9 Alineja 2 Udhëheqësi profesional – Propozojmë që udhëheqësi profesional të zëvendësohet me Punëtor Administrativ i cili do të jetë përgjegjës në Auto-shkollë për  mbarëvajtjen e punës së Auto-shkollës dhe që duhet të ketë së paku shkollën e mesme.
• Neni 14 Alineja 1 pika 2 –Propozojmë që për shofer instruktor mund të licencohet personi që ka së paku 3 vite në kategorinë B.
• Neni 22, propozojmë që shofer instruktori të mos i bëhet pezullimi i licencës për shkak të mos shënimeve të orëve praktike gjatë stërvitjes sl kandidatit në libra përkatës, apo për shkak të ndonjë gabimi të tillë, por ti shqiptohet dënim me të holla deri në 30 euro,
• Neni 42, Alineja 1 , Auto-shkolla është e obliguar që çdo kandidatë që regjistrohet, duhet të ketë me vete Certifikatën mjekësore dhe të regjistrojë në librin e kandidatëve
• Neni 43, alineja 1 pika 1 ,  Auto-shkollat nuk mund të pajisen me kamerat për vëzhgim sepse janë të panevojshme pasi që provimet nuk mbahen në Auto-shkollë, nuk mund të plotësohen këto kushte për shkak të standardeve tona dhe gjendjes ekonomike që kanë Auto-shkollat në përgjithësi.
• Neni 44, Alineja 1 , Auto-shkollat kërkojnë dhe propozojnë që orët mësimore nga pjesa teorike dhe ajo praktike për kategorinë B, të jenë 16 orë. Ndërsa për kategoritë e rënda, të jenë 10 orë. Propozimi prej 40 orëve mësimore nga pjesa teorike dhe praktike për aftësimin e kandidatëve për kategorinë B, dëmton Auto-shkollat,. Arsyeja është se Auto-shkollat dëmtohen nga Administrata tatimore për shkak se Auto-shkollat tatimohën nga kjo administratë si veprimtari shërbyese dhe jo si veprimtari edukativo-arsimore.
• Neni 48, Alineja 2 pika 1 Auto-shkollat propozojnë që automjetet për aftësimin e kandidatëve për patentë shofer nga pjesa praktike për kategoritë B, të mos kufizohen në vite sepse çdo automjet që regjistrohet kanë për obligim së pati të kenë kontrollimin teknik apo atë periodik ne çdo 6 muaj, dhe çdo automjet që kalon kontrollimin teknik konsiderohet në gjendje të rregullt.
• Alineja 2, pika 2 , Çdo Auto-shkollë që kërkon licencë për stërvitjen e kandidatëve nga pjesa praktike për kategorinë B, duhet ti ketë së paku 2 automjete, të cilat duhet të jenë të pajisura me komanda të dyfishta të cilat verifikohen, testohen ne cdo 6 muaj në kontrollimin teknik të automjeteve. Propozojmë që atestimi të mos jetë, mos të kërkohet për automjetet pasi që bëhet vetëm me një fotografim që duhet paguar 100 euro, dhe kjo duhet të eliminohet tërësisht.
• Alineja 2 pika 6, GPS- Auto-shkollat ende janë larg këtij standardi për ta plotësuar dhe nuk është i nevojshëm për shkak se, çdo shofer instruktor gjatë stërvitjes së kandidatëve në pjesën praktike, ka me vete librat që duhet të shënojë orën e kandidatit dhe temën për të cilën stërvitet kandidati.
• Gjithashtu Federata e Auto-shkollave, Ministrisë së Infrastrukturës i ka propozuar edhe një varg çështjes tjera por që nga atëherë ato fare nuk janë marrë parasysh.
• Sërish më 11 korrik 2017, Auto-shkolla Dardania ka parashtruar shkresën  për Drejtorin e Departamentit për Patentë Shofer, e cila ka rrjedh nga procesi i Kuvendit të Shoqatës së Auto-shkollave Dardania në Prishtinë. Në këtë shkresë, kjo auto-shkollë ka theksuar mes tjerash, që Udhëzimi Administrativ nr. 9/2008, neni 3 që rregullon paraqitjen e provimit për shofer dhe thuhet se kandidati bënë paraqitjen e provimit për shofer në njësinë rajonale të Patentë Shoferit ku ka përfunduar aftësimin për shofer.

  Gjithashtu, Shoqata e auto-shkollave “Dardania” , konstaton si të kundërligjshme dhe tejet të panevojshme pagesën për hyrje të auto-shkollave në stacionin e Autobusëve në Prishtinë. Lidhur me këtë çështje, më 31 tetor 2014, njëra nga auto-shkollat, DARDANIA, ka parashtruar shkresë tek Drejtoria e Divizionit të Automjeteve dhe Drejtoria e Stacionit të Autobusëve në Prishtinë por deri më tani nuk ka pranuar asnjë përgjigje.

  Përfund, ne konstatojmë që Departamenti për Automjete në Ministrinë e Infrastrukturës dhe e tërë kjo ministri ka vepruar në mënyrë absurde në një rast kur Kryetari i Auto-Shkollave Dardania në Prishtinë, më 12 tetor 2017 kishte parashtruar një kërkesë në departamentin e lartcekur që të sigurojë listën e auto-shkollave të regjionit të Prishtinës së bashku me numrat kontaktues. Përgjigjja e këtij departamenti, të datës 13 tetor 2017 ishte e pakuptimtë dhe nuk përmban asnjë arsyetim ligjor dhe logjik mbi refuzimin e kërkesës sonë. Departamenti i Automjeteve në përgjigje pohon se kinse nuk kanë të drejtë të ofrojmë asnjë informatë të auto-shkollave pa pëlqimin e tyre.  Ne si shoqatë konsiderojmë që kjo përgjigje e këtij departamenti është pengesë në mobilizimin e auto-shkollave në adresimin e një varg të padrejtësive që ka bërë ky departament dhe tërë Ministria e Infrastrukturës.

  Me respekt,

Afrim Islami