Google ADS

Shmangeni daljen këto ditë, priten temperatura deri në 38 gradë

17:18 | 4 Gusht 2017
Arbresh.info

Vala e të nxehtit tropikal ka përfshirë këto ditë edhe Kosovën, shkruan portali arbresh.info.

Në javën e fundit temperaturat në vendin tonë kanë lëvizur nga 33 deri 38 gradë Celsius dhe duket se do të vazhdojnë edhe më tej.

Këtë paralajmërim e ka bërë edhe ueb faqja ‘MeteoAlarm’ që tregon vendet e rrezikuara nga temperaturat. Kjo faqe Kosovën e ka futur tek alarmi i kuq që do të thotë kushte jashtëzakonisht të rrezikshme atmosferike, sidomos nëse zgjat disa ditë rresht. Jeta u rrezikohet njerëzve (sidomos të sëmurëve kronikë, njerëzit nën terapi dhe kontroll mjekësor ose meteoropatëve) dhe kafshët, thuhet më tej në këtë ueb faqe.

Me këtë mot të rrezikshëm priten probleme serioze në furnizimin me energji elektrike, problemet të trafikut. Kushte atmosferike jashtëzakonisht të favorshme për pyjet dhe zjarret e tjera.

Prandaj shmangni daljet në orët e pikut, sepse temperaturat pritet të arrijnë deri në 38 gradë Celsius, sipas paralajmërimit të tyre./Arbresh.info

kosova temperaturat1

Shpërndaje në rrjete sociale

Lajmet më të lexuara

Të ngjashme

Foto lajm