Kuvendi i Përgjithshëm i Sindikatës së Policisë së Kosovës ka marr sot vendim që të shkarkohet kryetari aktual i SPK-së, Imer Zeqiri.

Në njoftim thuhet se të pranishëm në kuvend ishin 60 delegat nga gjithsej 73 sa ka Kuvendit, dhe të gjithë me vota unanime kanë votuar pro shkarkimit të Zeqirit, përcjell Arbresh.info.

Njoftimi i plotë:

Sot më datë 19.05.2024 është mbajtur Kuvendi i Përgjithshëm i Jashtëzakonshëm ku ishte thirrur nga Këshilli Drejtues i SPK-së bazuar në Ligjin mbi Organizimin Sindikal dhe Statutit të Sindikatës së Policisë së Kosovës, me të vetmën pikë të Rendit të Ditës për votimin e shkarkimit të kryetarit të SPK-së Imer Zeqiri.

Në këtë Kuvend të pranishëm ishin 60 delegat të Kuvendit nga gjithsej 73 delegat që ka ky Kuvend dhe në mënyrë unanime me vota të hapura të gjithë votuan PRO shkarkimit të kryetarit të Sindikatës së Policisë së Kosovës Imer Zeqiri.

Kuvendi i Përgjithshëm i SPK-së i siguron të gjithë anëtarët e Sindikatës së Policisë së Kosovës se kjo Sindikatë do të vazhdoj punën pa pengesa deri në Kuvendin e ardhshëm duke mbrojtur të drejtat e çdo punonjësi të Policisë së Kosovës, ngritjen e mirëqenies dhe kushteve të punës.

Kuvendi i Përgjithshëm i SPK-së./Arbresh.info