Shi dhe breshër në disa qytete në Kosovë

15:33 | 11 Gusht 2021
A. B.

Pas temperaturave të larta që janë duke mbizotëruar në vendin tonë, sot pasdite disa qytete janë freskuar nga reshjet e shiut që kanë rënë.

Reshje shiu ka pasur në Komunën e Klinës, Vushtrrisë dhe të Istogut.

Meteo Ballkan, ka publikuar disa video nga komunat e lartë cekura, ku në disa prej tyre shihet se ka rënë edhe breshër.

Ndryshe, Instituti Hidrometeorologjik i Kosovës përmes një njoftimi për media ka njoftuar se sot do të mbajë mot me diell dhe vranësira të shpërndara.

IGK kishte njoftuar se vranësirat gjatë ditës do të zhvillohen dhe do të krijojnë kushte për riga shiu dhe shkarkime rrufesh.

Të enjten parashihet mot me diell dhe vranësira të pjesshme, kryesisht për rreth maleve.

Temperaturat gjatë këtyre dy ditëve do të jenë pothuaj konstante në të dy vlerat ekstreme. Minimalet do të lëvizin ndërmjet 16-18 gradë Celsius, ndërsa maksimalet e ditës parashihen të lëvizin ndërmjet 32-33 gradë Celsius.

Shpërndaje në rrjete sociale

Lajmet më të lexuara

Të ngjashme

Foto lajm