Shëtisin me heroinë në kerr – arrestohen tre persona në Viti

11:23 | 18 Shkurt 2020
Arbresh Info

Policia e Kosovës ka arrestuar tre persona në Viti, pasi që gjatë kontrollit në veturën të cilën e drejtonte i dyshuari mashkull kosovar janë gjetur dhe janë konfiskuar 2.1 gramë substancë e dyshuar narkotike e llojit heroinë, transmeton arbresh.info.

“Lidhur me rastin me urdhër të gjyqtarit të procedurës paraprake, është bastisur shtëpia dhe lokalet përcjellëse pronë e njërit prej të dyshuarve me ç’rast janë gjetur dhe janë konfiskuar: 34 gramë substancë narkotike e llojit heroinë, 2 gramë kokainë, 1.3 gramë marihuanë, dy peshore elektronike për matjen e narkotikeve, një revole me një karikator pa fishek, një thikë, dy telefona dhe një tablet”, thuhet në raportin e policisë.

Me vendim të prokurorit pas intervistimit tre të dyshuarit janë dërguar në mbajtje. / arbresh.info./

Shpërndaje në rrjete sociale

Lajmet më të lexuara

Të ngjashme

Foto lajm