Shërbimi i Urgjencës i QKMF-së në Gjilan bëhet me auto-ambulancë të re

16:39 | 5 Shtator 2024
E.H

Nga sot, qytetarëve të komunës së Gjilanit, do t’i ofrohen shërbime edhe më të shpejta e më cilësore shëndetësore nga Shërbimi i Urgjencës së Qendrës Kryesore të Mjekësisë Familjare.

Kjo pasi Shërbimi i Urgjencës së QKMF-së i është shtuar edhe një auto-ambulancë e re.

Në pranim-dorëzimin e saj, ishte edhe i pari i komunës, Alban Hyseni bashkë me u.d të drejtorit të QKMF-së Basri Kamberin dhe personelin shëndetësor të shërbimit urgjent.

Hyseni, tha se nga një që ishte, po bëhen katër autoambulanca.

Ai tregoi se sot kanë pranuar autoambulancën e re me vlerë rreth 60,000 euro.

“Me investime në shëndetësi, po ofrohen shërbime cilësore dhe efikase, për të gjithë, pa dallim”, tha Hyseni./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm