Shënohet 21 vjetori i të vrarëve gjatë vitit 1999 në Celinë , Fortesë e Brestoc

13:06 | 25 Mars 2020
L G

Kryetari i komunës së Rahovecit, Smajl Latifi, me bashkëpunëtorë, kryetar të këshillave të fshatrave, përfaqësues të OVL-së, familjarë të të rënëve, kanë bërë sot homazhe dhe nderime, për të shënuar 21 vjetorin e të vrarëve gjatë vitit 1999 në Celinë, Fortesë e Brestoc, të cilët u vranë barbarisht nga paramilitarët serb.

Sot e 21 vjet më parë, pushtuesi kriminal serb, duke mos kursyer asnjë person, vrau barbarisht martirë e dëshmorë shqiptarë në Celinë, Fortesë e Brestoc.

I kujtojmë me nder, respekt e përulje të thellë të gjithë burrat, gratë, pleqtë e fëmijët që u ekzekutuan barbarisht nga makineria vrastare e pushtuesit serb.

Jeta, vepra dhe gjaku i të rënëve janë baza dhe themeli i lirisë së Kosovës./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm