Google ADS

Shefi i EULEX-it: Po e monitorojmë situatën në veri me Policinë e KFOR-in

15:06 | 21 Prill 2024
K.B

Shefi i misionit të BE-së për siguri dhe mbrojtje (EULEX), Giovanni Pietro Barbano, ka deklaruar se ky mision po e monitoron situatën e përgjithshme të sigurisë rreth vendvotimeve në katër komunat veriore ku po zhvillohet votimi për largimin ose jo të kryetarëve aktualë.

Barbano ka njoftuar se monitorimi i EULEX-it po bëhet në koordinim me Policinë e Kosovës dhe KFOR-in.

“Në koordinim me Policinë e Kosovës dhe KFOR-in, EULEX-i është duke monitoruar situatën e përgjithshme të sigurisë rreth vendvotimeve në katër komunat ku po zhvillohet votimi për largimin e kryetarëve”, ka shkruar ai në platformën X.

Ndryshe sipas të dhënave të para nga Komisioni Qendror të Zgjedhjeve deri në orën 11:00, në Leposaviq kanë votuar 46 votues, në Zubin Potok 7, Zveçan 0, dhe Mitrovicë e Veriut 32 votues./Arbresh.info/

LEXO EDHE:

Procesi për shkarkimin ose jo të kryetarëve në komunat veriore/ Përse po mbahen këto votimet dhe gjithë çfarë ndodhi gjatë kësaj kohe

Shpërndaje në rrjete sociale

Lajmet më të lexuara

Të ngjashme

Foto lajm