“Çështja e Kosovës është e rëndë për Serbinë dhe njëri nga kushtet të cilin Serbia duhet ta zgjidh para se të bëhet pjesë e BE-së”.
Kështu ka thënë në Beograd ministri i Punëve të Jashtme dhe atyre evropiane të Sllovakisë, Ivan Korçok.
Sipas tij, BE-ja nuk është e gatshme që përsëri të vendoset në pozicionin e gjyqtarit ndërmjet dy vendeve në mënyrë që të zgjidh problemin, transmeton lajmi.net.
Korçok po ashtu ka thënë se BE-ja pret që Kosova dhe Serbia ta nënshkruan përfundimisht një marrëveshje për normalizimin e marrëdhënieve e cila do të jetë ligjërisht obligative për të dy shtetet.
Ndërkaq sa i përket njohjes së Kosovës nga Sllovakia, shef i diplomacisë së këtij shteti gjatë vizitës në Beograd ka thënë se Sllovakia nuk do të ndryshoj qëndrim dhe tash për tash nuk do ta njoh Kosovën.
“Ne nuk e bllokojmë rrugëtimin e Kosovës, por nuk e njohim si shtet, jo për shkak të Serbisë, por për shkak të parimeve”, ka thënë Korçok në fund. /Lajmi.net/
Oriola Marashi, e ‘zjarrtë’ në të kuqe
I shënoi dy gola Strasbourg-ut, Zhegrova në formacionin e ja...
Zelenskyy në SHBA për të prezantuar planin e ri të paqes
Takimi mes Ramës dhe Erdogan: Të forcojmë lidhjet dypalëshe
Haxhiu takon shefin e Zyrës së BE-së në Kosovë, flasin për r...
Haradinaj: FSK-në për dy vjet e lëshuan mbi 11 për qind e us...