Sipas ligjit për Agjencinë e Kosovës për Inteligjencë, shkarkimi dhe emërimi i shefit të këtij dikasteri bëhet në koordinim me Presidentin e vendit, raporton Arbresh.info.

Nuk dihet nëse shefi i qeverisë është koordinuar edhe me u.d. Presidenten, Vjosa Osmani për këtë shkarkim.

Arbresh.info, ka provuar të marr një qëndrim nga zyra e Osmanit por ka qene e pa mundur.

Ky është ligji i plotë për emërimin dhe shkarkimin  e shefit të AKI-së.

Neni 5 Drejtori i AKI-së

5.1 Drejtori i AKI-së, në pajtueshmëri me këtë Ligj, Rregulloren mbi Organizimin e Brendshëm dhe ligjet tjera në fuqi, është përgjegjës për të gjitha aspektet e menaxhimit të AKI-së. Drejtori i AKI-së do t’i përgjigjet drejtpërdrejt Kryeministrit.

5.2 Në kryerjen e përgjegjësive të veta, drejtori i AKI-së ndihmohet nga një zëvendësdrejtor, udhëheqësit e njësive organizative, këshilltarët, dhe personeli me kualifikim të duhur sipas nevojës, në pajtueshmëri me rregullat dhe procedurat e parashtruara me këtë Ligj dhe Rregulloren e Organizimit të Brendshëm.

5.3 Presidenti i Republikës së Kosovës së bashku me Kryeministrin, emërojnë së bashku Drejtorin e AKI brenda njëzet (20) ditësh pune nga dita kur pozita mbetet e lirë.

5.4 Drejtori i AKI-se shkarkohet nëpërmjet procesit të njëjtë me të cilin është emëruar.

5.5 Drejtori i AKI-së emërohet për një mandat pesë (5) vjeçar, i cili mund të vazhdohet edhe njëherë.

5.6 Drejtori i AKI-së duhet të ketë arsimim universitar dhe duhet të emërohet mbi baza të profesionalizmit dhe përvojës së dëshmuar.

/ Arbresh.info/

https://www.arbresh.info/lajmet/hoti-shkarkon-shefin-e-aki-se/

Qeveria nuk jep arsye pse u shkarkua shefi i AKI-së