SHBA dënon sulmet ndaj KFOR-it, kërkon shtensionim të menjëhershëm të situatës

07:44 | 31 Maj 2023
K.B

Sekretari amerikan i Shtetit, Anthony Blinken, ka reaguar duke dënuar ashpër sulmet e djeshme ndaj forcave paqeruajtëse, KFOR.

Ai kërkoi nga Kosova dhe Serbia, që të ndërmarrin veprime të menjëhershme që të ulen tensionet.

‘’Shtetet e Bashkuara dënojnë fuqishëm sulmet e djeshme kundër Forcave paqeruajtëse të Kosovës (KFOR) të udhëhequra nga NATO dhe u bëjnë thirrje të dyja palëve që të ndërmarrin veprime të menjëhershme për të ulur tensionet dhe të angazhohen për bisedimet e normalizimit të udhëhequra nga BE’’.

Sekretari amerikan i shtetit thekson se si Kosova ashtu edhe Serbia duhet menjëherë të angazhohen në dialogun e lehtësuar nga BE-ja për normalizimin e marrëdhënieve. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm