Serbi vret me thikë gruan e tij shqiptare në Austri

17:41 | 19 Nëntor 2021
A. B.

Policia austriake e rajonit të Tirolit ka njoftuar se një serb ka sulmuar me thikë bashkëshorten e tij shqiptare në një apartament të përbashkët.

Rreth orës 09:30 është marrë një telefonatë emergjente nga policia e Tirolit për një krim të dhunshëm. Sipas Drejtorisë Kombëtare të Policisë atje, një serb (59) dyshohet se ka sulmuar me thikë gruan e tij (50) në banesën e përbashkët në Innsbruck. Me të arritur, në banesën ku jetonte çifti, gjetën në dysheme trupin e pajetë të një gruaje.

“Të gjitha përpjekjet për të shpëtuar të gjallë gruan ishin të pasuksesshme”, ka thënë prokurorja Katja Tersch.

Sipas gazetës austriake “Krone.at”, duket se mes çiftit ka pasur një fjalosje dhe nga bërtitma e tyre një fqinj ka lajmëruar policinë.

Me vrasjen e sotme të shqiptares, bëhet rasti i 27-të i grave të vrara gjatë këtij viti në Austri. /albinfo.at.

Shpërndaje në rrjete sociale

Lajmet më të lexuara

Të ngjashme

Foto lajm